تبلیغات
یوردوم Yurdum - مطالب اؤیکو (داستان)
1394/03/6

آذربایجان ناغیل لاری

   یازیلیب‌دیر: علی واحدی    نوع مطلب :اؤیکو (داستان) ،

آنا یوردوموزو قاریش قاریش گزیب دولانسان ، آغ بیرچک آنالار و آغ ساققال آتالارین صوحبتی آیاغیندا اوتورسان ، اونلارین شیرین شیرین ناغیل لاری نی دینله سن ، گؤرورسن کی قدیم حکایه لر و افسانه لری نئجه خوش سویله ییرلر . تاسف له ایندی بو ناغیل لاری یالنیز کاغیذ لاردا و کیتاب لاردا گؤرمه ک اولور . نه ائله مک !!! ائله بودا غنیمت دیر ... بیزلره گره ک دیر کی بو ناغیل لاری کی آنا یوردوموزون شیفاهی ادبیاتی دئمه ک دیر ، قورییب سونرا کی نسیل لره یئتیره ک . ایکی ناغیلی سیزه تقدیم ائدیره م .


صداقت لی آرواد


1394/02/25

ناغیل - سئحیرلی بالیق

   یازیلیب‌دیر: علی واحدی    نوع مطلب :اؤیکو (داستان) ،

sehirli baliq

اوشاق‌لار موراد بابانین باشینا ییغیشمیشدی‌لار. بابا دا اونلارا جاوانلیغین‌دان دانیشیردی. موراد بابا دانیشیردی کی، جاوان اولاندا گؤل‌دن چوخلو بالیق توتاردی‌لار. گؤل قیراغینا گلیب، شن‌لیک قوراردی لار. اوشاق‌لار ماراقلاندی‌لار:

-  موراد بابا، گؤلون کناری چوخ زیبیل‌لی‌دیر، سیز اوردا نئجه شنلنیردینیز؟

-  اوندا گؤلون قیراغی ائله گؤزل، ائله تمیز ایدی کی، آدام حئیران اولوردو. اورا حتی باشقا یئرلردن ده قوناق‌لار گلیردی.

یازی نین آردینی تیکله یین ...

(بو ناغیلین سس لی فایلی)


ائتیکئت‌لر: آرزوبلاگ ، لوکس بلاگ ، میهن بلاگ ، تراختور ، سایت میانالی ، سایت مراغا ،

1394/01/8

اوشاق لار اوچون ناغیل - تنبل لیک

   یازیلیب‌دیر: علی واحدی    نوع مطلب :اؤیکو (داستان) ،

شاهین ایش گؤرمكی خوشلامیردی. اونا تاپشیریلان ایشی کؤنول‌سوز گؤرر، سونرا "یورولدوم" دئییب اوتوراردی.

بیر گون شاهین کنده - ننه‌سی‌نین یانینا گلیر. آخشام بیر آز اوشاق‌لارلا اوینایان کیمی ساعت سککیز اولمامیش یاتیر.

سحر ننه‌سی اونو نه قدر اویا‌دیرسا، شاهین یورولموشام دئییب دورمور.

ننه گون اورتایا یاخین تندیرده چؤرک یاپیب ائوه قاییداندا گؤرور کی، شاهین هله یاتیب. او، هیجانلا نوه‌سینی یوخودان اویا‌دیر:

- شاهین، بالا، دور آیاغا! ایندیه قدر ده آدام یاتار؟ تنبل‌لیک سنی خسته لندیرر کی...

- ننه، آدام نیه اسنه ییر؟

- اسنه‌ینده آدامین تنبل‌لیگی چیخیب گئدیر.

- نئجه گئدیر، هارا گئدیر؟... سن تنبل‌لیگی گؤرموسن؟

- یوخ، گؤرمه میشم. او، همیشه من‌دن گیزله نیر، قورخوب قاچیر.

- هاردا گیزله نیر؟

- او چوخ حیله‌گردیر. هر یئرده گیزلنه بیلیر. یویولمامیش قاب‌لارین آرخاسیندا، سوپورولمه میش زیبیل ین ایچری‌سینده، دوغرانمامیش اودون‌لارین آراسیندا، پالچیق‌لی باشماق آلتیندا، حتی فیرچالانمایان دیش‌لرین آراسیندا دا اؤزونه یئر تاپا بیلیر.

- ائله‌دیر کی وار. او، حتی زیانکاردیر دا.

اوشاق‌لاری تنبل لشدیریر، اونلار دیش‌لرینی فیرچالامیر، دیش‌لری خاراب اولور، چورویور. اوندا تنبل‌لیک سئوینیر. چونکی دیش‌لر خاراب اولاندا اونون یئری بؤیویور، خاراب دیش‌لرین آراسیندا اؤزونه یووا دوزل‌دیر. خاراب دیش‌لر آغریییر، تنبل‌لیک سئوینیر.



آردی(ادامه مطلب)

ائتیکئت‌لر: علی واحدی ، تراختور ، سهند ، تبریز ، اورمیه ، زنجان ، اردبیل ،

1393/11/19

ناغیل(باجاریقلی قادین)

   یازیلیب‌دیر: علی واحدی    نوع مطلب :اؤیکو (داستان) ،

http://alivahedi.mihanblog.com/علی واحدی

 

دئییر:سولطان تاختی نین اوستونده اهل-عیال ایلن اوتوروب.شیرین شیرین صحبت ائله ییردی.بو وعده

  بئلینده اودون شله سی بیر اوغلان اوردان کئچیردی.شاه اوغلانی گؤستریب دئدی:_گورون نه یاخشی اوغلان دیر گؤرسن اونون کاسیب دولانماسینین سببی نه دیر؟

هامیدان قاباغ شاهین قیزی جواب وئریر کی:

مهربان آتا کیشی نین کاسیب چیلیغینا سبب باجاریقسیز آروات دیر اوغلانین باجاریقلی بیر آروادی اولسا کاسیب اولماز.

شاه برک غضب لنیر تئز آدام گوندریریب قاضی چاغیتدیریر قیزی نین کبینینی همین اوغلانین آدینا کسدیریب دئییر:

بو سن بودا اوغلان ...سنه مال مولکدن ده بیر چؤپ وئره سی دگیلم.دی گئت بو اوغلانی وارلاندیر.

مسئله دن خبر سیز اوغلان ماتدوم_ماتدوم بونلارین اؤزونه باخیر.

شاه غضب لن دئییر:

یئتیم قوزو کیمی نه یه باخیرسان؟من قیزیمی سنه وئردیم هاردا ایسته ییرسینیز گئدین یاشایین.بیرده منیم ادیمی چکمه یین.اوغلان قیزی قاز اینینه اوخشایان داخماسینا گتیریر.ائوه چاتاندا آناسی گؤرور کی اوغلو یانیندا بیر قیز گتیریر کی آیا دئییر چیخما من وارام.گونه دئییر چیخما من وارام.

قیز اوغلانا دئییر:

آخیری لاپ یاخشی اولاجاق.دئمک دالدالانماق اوچون بیزه یول گؤسترن آنان دا وار.بو منی چوخ سئویندیردی.دا بوندان بؤیوک خوشبخت لیک اولا بیلمز.

قیز ائوده بؤیوک بیر هانا قورور.اون بئش گونده بیر گبه توخویور.گبه گون کیمی پاریلداییردی گون کیمی شفق ساچیردی.ناخیشلاری باخانین گؤزونوقاماشدیریردی.قیز گبه نی بوکوب اوغلانا وئردی.اؤزوده تاپشیردی کی گبه نی ساتیب بیر آیلیق یئمک شئیلری آلسین قالان پولاریدا ائوه گتیرسین.

اوغلان گبه نی قولتوغونا ووروب بازارا گیرنده شاه آداملاری ایلن راستلاشدی.گبه یه بیر چوخ باخاندادن سونرا اوغلانی دا گؤتوروب شاهین یانینا گادیلر.شاه اوغلانی تانیمادی.گبه یه حءیران اولدو.پول وئریب اوغلانی راضی سالدی.

بئله لیکله شاهین قیزی هر آی بیر_بیریندن گؤزل.بیر_بیرینه بنزه ین گبه توخودو.اوغلان ایسه همین گبه لری بیر_بیر پادشاها ساتدی.بیر ایل بئله ایکی ایل بئله اوندا آیلدیلار کی بونلارین پولو هئچ شاهین پولوندان آز دگیل.بیر گون قیز اوغلانا چوخلو پول وئریب دئدی:

گئدرسن فلان یئره اوردا قوجا بیر اوستا یاشاییر.پولو اونا وئریب اؤزونوده گؤتوروب گلرسن.

اوغلان شاه قیزی دئدیگی کیمی ائیله دی.بو اوستادا شاهین عمارتین تیکن اوستاایمیش. قوجا اوستا قیزی گؤرن کیمی تانیدی.قیز دئدی:

بابا گرک منیم اوچون آتامین عمارتی کیمی بیر عمارت تیکه سن.

نیه تیکمیرم؟اما بونا چوخلو پول_قیزیل لازم دیر.

سنین پول ایله ایشین یوخدور.نه قدر ایسته سن وئره جگم.گرک عمارتی ائله تیکه سن کی آتام اوچون تیکدیگیندن هئچ سئچیلمه سین.

ائله کی عمارت حاظر اولدو سسی سوراغی ماحالا یاییلدی بوخبر گلیب شاهادا چاتدی.ائشیتدیگینه اینانمادی وزیر_وکیلی ده گؤتوروب اوغلانین عمارتینه گلدی گؤردوکی اؤز عمارتی دیرکی گؤزونون قاباغیندا دوروب امر ائیله دی کی عمارتین صاحیبینی گؤسترسینلر ال اوستو اوغلانی شاهین حضوروندا حاضیر ائله دیلر اوغلان شاهزاده کیمین گئینیب کئچینمیشدی شاه گنه اونو تانیمادی غضبله دئدی:

سن نه کاره سن کی منیم تورپاغیمدا بئله بیر عمارت تیکدیرمیسن؟منیمله بحثه می گیریبسن؟

اونان سونرا امر ائیله دی کی اوغلانین بوینون وورسونلار.

شاه قیزی اوزاقدان بو منظره نی سئیر ائله ییردی.ایشی بئله گؤرنده یاخینا گلیب دئدی:

ای مهربان آتا ال ساخلا.

شاه قیزینی تانیان کیمی مسئله نی باشا دوشدو.امر ائیله دی اوغلانی بوراخسینلار.سونرا اؤزونو قیزا توتوب دئدی:

دؤز دییر سن قیزیم.کیشینی کیشی ائلیه ین آروات دیر.سن کی بو کاسیب اوغلانی وارلاندیردین من سئوزومو گئری آلیرام.

شاه قیزینی یئزنه سینی.اوغلانین قوجا اناسینی دا گؤتوروب سارایا گتیردی .شادخرم یاشاماغا باشلادیلار.

کپی = ذکر منبع/علی واحدی


آردی(ادامه مطلب)

ائتیکئت‌لر: داستان ، ناغیل ، علی واحدی ، تراختور ، تورک ، آذربایجان ، سهند ،




AVSEQ01.DAT




AVSEQ02.DAT





AVSEQ03.DAT




AVSEQ04.DAT





AVSEQ05.DAT




AVSEQ06.DAT



 

کپی=ذکرمنبع/علی واحدی



آردی(ادامه مطلب)

ائتیکئت‌لر: شعر ، ناغیل ، کارتون تورکی ، کلیپ تورکی ، شو آذربایجانی ، شهریار ، سهند ،

یارپاق‌لارین سایی: 2 1 2