تبلیغات
یوردوم Yurdum - یارادان سنی
1394/04/19

یارادان سنی

   یازیلیب‌دیر: علی واحدی    نوع مطلب :شعر ،

حالال اولسون بو قامته، بو بویا، 
نه گؤزل یارادیب یارادان سنی؛ 
سنه بدنظردن دیَمه‌سین خطا، 
قوی الله ساخلاسین بلادان سنی. 

بیلمم گونش دئییم، یوخسا آی سنه، 
بو فانی دونیادا یوخدو تای سنه، 
گؤزللیگی خودا وئریب پای سنه، 
عزیز توتوب بَیدن، پاشادان سنی.  

جامالین اوخشاتدیم داغلار قارینا، 
گؤزوم دوشوب آغ سینه‌نین نارینا، 
گؤزل اولان بئله باخماز یارینا، 
اووچویام قویمارام بره‌دن سنی. 

اینصاف ائله، هردن افقانی گولدور، 
گؤزونون یاشینی آماندی، سیلدیر. 
قاپیندا قول ساخلا، یا دا کی، اؤلدور، 
اونوتمارام خئییر-دوعادان سنی


ائتیکئت‌لر: شهریار ، تورک ، اورمو ، اورمو گولو ،

 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.