تبلیغات
یوردوم Yurdum - تورپاق قالا کندی
1394/03/11

تورپاق قالا کندی

   یازیلیب‌دیر: علی واحدی    نوع مطلب :تاریخ ،

تاریخ بویو اورمیه نین ان مشهور و تانینمیش کندلریندن بیری تورپاق قالا اولوبدور.

تورپاق قالا کندی کئچمیشلرده اورمیه نین 5 کیلومترلیگینده یئرلشسه ایدی ده، آما ایندی لیکده اورمیه شهرینین توسعه سی و گئنیشلنمه سینه گؤره، بورانی آرتیق شهرین بیر محله سی آدلاندیرساق یانیلمامیشیق و یاخین گله جکده ده بئله اولاجاق.

ایندی لیکده تورپاق قالا اورمیه شهری ایله چوخ آز مسافه ده یئرلشیر. بورا کئچمیشلردن بری افشارلارین و اونلارین خانلارینین یاشادیغی و یئرلشدیگی یئر اولوبدور.بورانین افشارلاری، بؤیوک افشار ائلینین اوصالی طایفاسینداندیلار.

جغرافی آدلارا نظر سالاندادا، آذربایجاندا و هابئله باشقا بؤلگه لرده تورپاق قالا آدلی کندلرین اولدوغونو بیله جه ییک.

تورپاق قالانین تاریخی تپه سینین یاشی اورارتو دورونه گئدیر چاتیر و بورادان تاپیلان تاریخی اشیالاری 3000 ایل ایله 3500 ایل آراسیندا اولمالارینی تخمین ائدیبلر.

اورارتولار ایندیکی غربی آذربایجان استانی و ها بئله تورکیه نین وان استانیندا موجود اولان تاریخی بیر حکومتین قوروجوسو ایدیلر و ایران-تورکیه سرحدینده و اوجا-هوندور داغلارین باشیندا محتشم قالالار تیکیبلر و قالینتی لارینین ایزلری هله ده گؤرونور.

ایندیکی تورپاق قالانین ایلکین قورولوشونون تاریخی قازان خان زمانیندا باش وئریب.

تاریخده بورانین آدینین ایلک چکیلدیگی دوره نظر سالیرساق، تیموری دورونه چاتاجاییق. امیر تیمور گورکانی اؤز سرکرده سی قورقون خانی تورپاق قالادا باش وئرن عصیانا و شورشه قارشی اورمیه یه گؤندریر و او، عادل آغا آدلی عصیانچی لارین رهبرینی بو قالادا مغلوب ائدیر و اؤلدورور و تیمورا قارشی اولان قیامی سوسدورور.

شاه عباس دورونده ایسه افشار ائللرینین باشچی سی اولان کلبعلی خان، اورمیه حاکمی سئچیلیر و او تورپاق قالانی اؤزونه یورد سئچیر و اؤز حکومتینی بو کنددن اداره ائدیر و قالالار تیکیر و بورجلار قووزاییر.

تورپاق قالا اورمیه نین دارالحکومتی ایمیش و اورمیه نین افشار حاکملری بورادا یاشاییرمیشلار.

آدینی چکدیگیمیز کلبعلی خان افشار، تورپاق قالالی اولدوغونا گؤره، بو کندی اؤزونه مقر ائدیر. کلبعلی خان آپاریلان ساواشلاردا، شاه عباسین قوشونوندا چوخلو شجاعت گؤستریر و اونون باغداد ساواشلاریندا رشادتلری هله ده یئرلی جماعاتین یادداشیندان اونودولماییب و ایپی قیران لقبینی هله ده اؤزو ایله داشی ییر.

تورپاق قالانین همده ایرانین روسلار طرفیندن اشغال اولونان واختلار ، مقاومتی یادلاردان سیلینمه یندیر و بو سببدندیر کی روس قوشونو تقریبی اولاراق 100 ایل بوندان قاباق کندی اودا چکیر. بو دورده اورمیه بازاری دا روس قوشونو طرفیندن اودلانیر.

حتی جیلولوق دورونده ده بو کندده چوخلو دؤیوشلر آپاریلیب ، چوخلو گوناهسیز انسانلار جانلارینی الدن وئردیلر. بودا تورپاق قالانین استراتژیک جهتدن او دورده کی اورمیه یه نه قدر اهمیتلی اولدوغونو گؤستریر.

کئچمیشده اورمیه دروازالارینین بیری تورپاق قالا آدی ایله تانینیرمیش و ایندی کی یئددی ائولر و نور خیابانلاری "تورپاق قالا یولو"، آدی ایله مشهور ایدیلر.

بوتون بونلار تورپاق قالانین تاریخ بویو  نه قدر اهمیتلی اولدوغونو گؤستریر. نیه کی بیر قالا کیمی اورمیه نی قوروماقدا و محافظه ائتمکده بؤیوک رولا صاحب ایمیش و یوز ایللر بویوجادا افشار دؤیوشچولری اورادا یئرلشدیریلمیش ایمیشلر.

 


بلبل خوش آواز
1394/03/11 09:15 ب.ظ
بازی زندگی؛ بازی بومرنگ هاســـت

و پندار و کردار و سخنان انسان ؛ دیر یا زود

با دقتی حیرت انگیــــز

به سوی خود او

باز می گردد ...

سلام
پیش من هم بیاین خوشحال میشم
بلبل خوش آواز
1394/03/11 08:56 ب.ظ
بازی زندگی؛ بازی بومرنگ هاســـت

و پندار و کردار و سخنان انسان ؛ دیر یا زود

با دقتی حیرت انگیــــز

به سوی خود او

باز می گردد ...

سلام
پیش من هم بیاین خوشحال میشم
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.