تبلیغات
یوردوم Yurdum - آیریلیق
1394/02/17

آیریلیق

   یازیلیب‌دیر: علی واحدی    نوع مطلب :شعر ،

http://alivahedi.mihanblog.com/علی واحدی


فیکریندن گئجه لر یاتا بیلمیرم 
بو فیکری باشیمدان آتا بیلمیرم 
نئیله ییم که سنه چاتا بیلمیرم 
آیریلیق ، آیریلیق ، آمان آیریلیق 
هر بیر دردن اولار یامان آیریلیق

اوزوندور هیجرینده قارا گئجه لر 
بیلمیرم من گئدیم هارا گئجه لر 
ووروبدور قلبیمه یارا گئجه لر 
آیریلیق ، آیریلیق ، آمان آیریلیق 
هر بیر دردن اولار یامان آیریلیق

یادیما دوشنده آلا گوزلرین 
گویده اولدوزلاردان آلام خبرین 
نئیله ییم کسیبدیر مندن نظرین 
آیریلیق ، آیریلیق ، آمان آیریلیق 
هر بیر دردن اولار یامان آیریلیق

آیریلیق دردینی چکمه ین بیلمز 
یاردان آیری دوشن گوز یاشین سیلمز 
دئییرلر اینتظار خسته سی اؤلمز 
آیریلیق ، آیریلیق ، آمان آیریلیق 
هر بیر دردن اولار یامان آیریلیق

نئجه کی ائلیمدن آیری دوشندن 
سورار بیربیرینی گوروب بیلندن 
حسرتله سیزلار یار داییم بو غمدن 
آیریلیق ، آیریلیق ، آمان آیریلیق 
هر بیر دردن اولار یامان آیریلیق



ائتیکئت‌لر: شعر ، ماهنی ، علی واحدی ، تراختور ، سهند ، شهریار ، فضولی ،

 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.