تبلیغات
یوردوم Yurdum - خان ننه هایاندا قالدین(شهریار)
1393/11/21

خان ننه هایاندا قالدین(شهریار)

   یازیلیب‌دیر: علی واحدی    نوع مطلب :شعر ،

http://alivahedi.mihanblog.com/علی واحدی

خان ننه هایاندا قالدین

                                                                                                                       

   بئله باشیوادولانیم


                             نئجه من سنی ایتیردیم!                            


دا سنین تایین تاپیلماز  


سن أولن گون، عمه گلدی


منی گتدی آیری کنده


من اوشاق، نه انلیایدیم ؟


باشیمی قاتیب اوشاقلار


نئچه گون من اوردا قالدیم.


قاییدیب گلنده، باخدیم


یئریوی ییغیشدیریبلار


نه أوزون و نه یئرون وار


«هانی خان ننه‌م؟» سوروشدوم

 

دئدیلر که: خان ننه نی


آپاریبلا کربلایه


که شفاسین اوردان آلسین


سفری اوزون سفردی


بیر ایکی ایل چکر گلینجه


نئجه آغلارام، یانیخلی


نئچه گون ائله چیغیردیم


که سسیم، سینم توتولدی


او، من اولماسام یانییندا


اوزی هئچ یئره گئدنمز


بو سفر نولوبدی من سیز


أوزی، تک قویوب گئدیبدی ؟


هامیدان آجیخ ائدرکن


هامیا آجیخلی باخدیم


سورا باشلادیم که: من ده


گئدیرم اونون دالینجا


دئدیلر: سنین کی تئزدیر


امامین مزاری اوسته


اوشاغی آپارماق اولماز


سن اوخی، قرآنی تئز چیخ


سن اونی چیخینجا بلکه


گله خان ننه سفردن


تله سیک، راوانلاماقدا


اوخویوب قرآنی چیخدیم


که یازیم سنه: گل ایندی


داها چیخمیشام قرآنی


منه سوقت آل گلنده


آما هر کاغاذ یازاندا


آقامین گؤزی دولاردی


سنده کی‌گلیب چیخمادین


نئچه ایل بو انتظار لا


گونی، هفته نی‌سایاردیم


تا یاواش یاواش گوز آچدیم


آنلادیم که، سن اولوبسن!


بیله بیلمییه هنوزدا


اوره گیمده بیر ایتیه وار


گؤزوم آختارار همیشه


نه یاماندی بو ایتیکلر


...


خان ننه جانیم ، نولیدی


سنی بیرده من تاپایدیم


او آیاقلار اوسته ، بیرده


دؤشه نیب بیر آغلایایدیم


کی داها گئده نمییه یدین


...


گئجه لر یاتاندا ، سن ده


منی قوینونا آلاردین


نئجه باغریوا باساردین


قولون اوسته گاه سالاردین


آجی دونیانی آتارکن


ایکیمیز شیرین یاتاردیق


یوخودا ( لولی ) آتارکنسنی من بلشدیره ردی


گئجه لی ، سو قیزدیراردین


اؤزووی تمیزلیه ردین


گئنه ده منی اؤپه ردین


هئچ منه آجیقلامازدین

...

ساواشان منه کیم اولسون


سن منه هاوار دوراردین

...

ائله ایستیلی او ایسته


داها کیمسه ده اولورمو ؟


اوره گیم دئییر کی : یوخ – یوخ


او ده رین صفالی ایسته


منیم او عزیزلیغیم ته


سنیله گئدیب ، توکندی

...

خان ننه اؤزون دئییردین


کی : بهشت ده ، الله


وئره جه ک نه ایستیور سن


بو سؤزون یادیندا قالسین


منه قولینی وئریبسه ن

...

ائله بیر گونوم اولورسا


بیلیرسن نه ایستیه رم من ؟


سؤزیمه درست قولاق وئر :


سن ایله ن اوشاخلیق عهدین...


خان ننه آمان ، نولیدی


بیر اوشاخلیغی تاپایدیم


بیرده من سنه چاتایدیم


سنیلن قوجاقلاشایدیم


سنیلن بیر آغلاشایدیم


یئنیدن اوشاق اولورکن


قوجاغیندا بیر یاتایدیم


ائله بیر بهشت اولورسا


داها من اؤز الله هیمدان


باشقا بیر شئی ایسته مز دیم

ائتیکئت‌لر: علی واحدی ، شهریار ، تراختور ، فیس بوک ، یوتوب ، کتاب ائو ،

تندیس(ستارزاده)
1393/11/27 10:15 ق.ظ
سلام اولسون
اللروزوار اولسون
جاواب علی واحدی : تشکرقارداش
عربلی
1393/11/24 09:57 ب.ظ
سالاملار
اونودولماز شاعیریمیزین روحوشاد اولسون
سیزینده اللریز وار
جاواب علی واحدی : سلام
تانری رحمت ائله سین.
پروین
1393/11/23 10:46 ب.ظ
سلاملار
یورولمییاسیز علی قارداش.....
جاواب علی واحدی :
شادی
1393/11/22 04:23 ب.ظ
بی وفا جانان یولوندا جان گویان دیوانه دور .شاهدیم بو مطلبه شمعه یانان
پروانه دور پروانه ایلر افتخار شمع دیر بیچاره پروانه عجب دیوانه دور
جاواب علی واحدی : سلام.چوخ سوغل وبلگما باش چکیب نظر یازیب سیزیاشا
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.